«Болашақ» бағдарламасы бойынша конкурсқа құжаттарды қабылдау 4 мамыр күні басталып, 28 қазанға дейін жалғасады, деп хабарлайды Shymkentaqparat

Бұл туралы Білім және ғылым министрінің орынбасары Мирас Дәуленов мәлімдеді.

- «Болашақ» бағдарламасы бойынша конкурсқа құжаттарды қабылдау 4 мамыр күні басталып, 28 қазанға дейін жалғасады. Стипендиялар 3 кезеңде – маусым, тамыз және қараша айларында тағайындалады. Бағдарламаның ерекше жаңашылдығы Негізгі дайындық жұмыстары жүргізілді, - деді Мирас Дәуленов.

2021 жылға арналған тізбеде академиялық оқытуға арналған 80 мамандық пен тағылымдамадан өтуге арналған 137 мамандық қарастырылған. Оның ішінде: инклюзивті білім беру, вирусология, урбанистика, жаңа материалдар технологиясы сияқты тың бағыттар бар. Мамандықтар 7 бағыт бойынша бөлінген: инновациялар және жаңа технологиялар, индустриялық инженерия, жаратылыстану ғылымдары, әлеуметтік ғылымдар, білім беру, медицина және креативті индустрия.

Вице-министр биыл «Болашақ» бағдарламасына 1055 стипендия бөлінгенін, оның 500-і ғалымдардың тағылымдамаларына арналғанын атап өтті.

- Шетелдік жоғары оқу орындарының, оқуға ұсынылатын шетелдік ұйымдардың тізімі сапалық және сандық жағынан өзгерді. Биыл тізімге 3 халықаралық академиялық рейтингке кіретін 27 елдің 207 жоғары оқу орны кірді, - деді Мирас Дәуленов.

Министрлік өкілі биыл алғаш рет «Болашақ» халықаралық стипендиясына құжаттарды қабылдау және конкурстық іріктеу процестері толығымен автоматтандырылғанын еске салды. Ал іріктеу кезеңдерінің саны 6-дан 15:00-ге дейін қысқартылып отыр. Іріктеу турлары кешенді тестілеу, тәуелсіз сараптама комиссиясының мүшелерімен жеке әңгімелесу, шетелде кадрлар даярлау жөніндегі республикалық комиссияның отырысында құжаттарды қарау сияқты кезеңдерден тұрады.