Әлия Назарбаева "Жасыл ел" еңбек жасақтары кеңесінің төрағасы қызметіне тағайындалды, деп хабарлайды Shymkentaqparat

"Қазақстанның экологиялық ұйымдары қауымдастығы президиумының төрағасы Әлия Назарбаева "Жасыл ел" еңбек жасақтары кеңесінің төрағасы болды. Бұл туралы 5 сәуірде өткен "Жасыл ел" еңбек жасақтары кеңесінің I отырысында жарияланды", – делінген ресми хабарламада.

Кеңес құрамына сенат пен мәжіліс депутаттары, қоғам қайраткерлері, экологиялық және республикалық жастар ұйымдарының өкілдері кірді. Атап айтқанда:

Айгүл Соловьева – кеңес төрағасының орынбасары, "Қазақстанның экологиялық ұйымдары қауымдастығы" ЗТБ төрағасының орынбасары;

Тоқтар Болысов – кеңес төрағасының орынбасары, "Қазақстанның жастар конгресі" ЗТБ атқарушы директоры;

Азамат Данияр – кеңес хатшысы, "Жасыл ел" ЖЕЖ республикалық штабтың жетекшісі;

Нұртөре Жүсіп – сенат депутаты;

Елдос Абақанов – мәжіліс депутаты;

Айжан Ысқақова – мәжілісі депутаты;

Тілектес Адамбеков – мәжіліс депутаты;

Мәди Ахметов – мәжіліс депутаты;

Майя Бекбаева – журналист, тележүргізуші, продюсер, Қазақстан халқы ассамблеясы төрағасының орынбасары;

Эмин Әскеров – қоғам қайраткері, кәсіпкер, еңбек және халықты әлеуметтік қорғау министрінің кеңесшісі;

Тимур Елеусізов – "Табиғат" экологиялық одақ төрағасының орынбасары;

Болат Бұқарбай – блогер, "Jaqsy Bolady" YouTube арнасының авторы.

Айта кетейік, бүгінде жасақ қатарына қосылған адамдардың саны 20 мыңнан асып отыр. Алдағы уақытта оларды 30 мың адамға дейін жеткізу жоспарланған.