Шымкент қаласында жыл соңында бірқатар білім нысанының жанынан салынып жатқан жаңа корпустардың құрылыс жұмыстары аяқталады. Жұмыстың сапасын бақылау мақсатында қала әкімі Мұрат Әйтенов Шаяхметов көшесі бойындағы №46 жалпы білім беру мектебіндегі қосымша нысан құрылысын аралады.

Бүгінде құрылыс жұмыстары жоспарлы түрде жүргізілуде, 300 орындық нысанды пайдалануға беру ағымдағы жылдың жаңа оқу жылына жоспарланған. Тиімді білім беру үдерісін ұйымдастыру үшін жайлы кабинеттік қор, 10 мың кітап қорына арналған кітапхана, спорт және 110 орындық асхана тағы басқалары қарастырылған. Барлық оқу аудиториялары заманауи құрылғылармен жабдықталатын болады.

Жаңа ғимарат құрылысы аяқталуымен 38 адамға тұрақты жұмыс орны ашылады деп күтілуде.