Тәуелсіздіктің 30 жылдығына орай қала әкімі М.Әйтеновтің бастамасымен, Шымкентте шахматтан жасөспірімдер арасында Қазақстан чемпионаты өтеді, деп хабарлайды Shymkentaqparat

Чемпионат алдағы шілде айының 20-30 жұлдызы аралығында өтеді деп жоспарланған.

Іс шараның мақсаты - халықаралық шахмат аренасында Қазақстанның оң имиджін қалыптасыра отырып, Шымкентті зияткерлік шаһарға айналдыру. Сондай-ақ, шахматтан жаңа есімдерді анықтау.

Айта кетейік, шахматтан жасөспірімдер арасында Қазақстан чемпионаты мемлекеттік бюджеттен еш қаржысыз ұйымдастырылады. Жарыс «Black Rock Business» ЖШС-нің демеушілігімен өтеді. Жалпы сайыстың жүлде қоры 2 880 000 теңгені құрайды. Жеңімпаздар әлем және Азия чемпионаттарының жолдамасына ие болмақ.

Чемпионаттың талап-ережелерімен Қазақстан шахмат федерациясының ресми сайтынан танысуға болады.

Фото: ашық дереккөз