«Ақылды қала» жобасы аясында «Теріскей» бекетіне ерекше аялдама орнатылды, деп хабарлайды Shymkentaparat

«Ақылды аялдама» жобасы жеке инвестор есебінен қаржыланған.

«Ақылды аялдама» толығымен жабық, оның ішінде интернет, салқындатқыш, бейнекамера, 2 дана LED экран, wi-fi және басқару панелі орналасады. Ал сыртқы бетінде антивандалды жарнамаға арналған экран қойылады.Қажетті қондырғылар толығымен орнатылған соң халыққа қызмет көрсете бастайды.

Алдағы уақытта жоба оң нәтиже берген жағдайда, ақылды аялдамалардың санын арттыру жоспарлануда.

Бұл аялдамалардың ерекшеліктері көп. Мәселен, сырттағы ауа температурасы -10 градус болған жағдайда жылу жүйесі бірден іске қосылады. Ал температура -20-дан төмендеген жағдайда қосымша желдеткіштері жұмыс істейді.