Шымкентте тұрғын үйлердің бірінде газ талдағыш құрылғысы 3 адамның өмірін сақтап қалды, деп хабарлайды Shymkentaqparat

Оқиға 7 наурыз күні кешкі сағат 19:30-да орын алған. Қалалық «Интергаз Центральная Азия» АҚ-ның мамандары тексеру барысында улы газдың мөлшері 0,3 пайызға шамадан тыс болғандығын анықтаған. Ол үй ішінде орнатылған тас пештің кранынан газ шығуының себебінен екені анықталды.

Оқыс жағдай кезінде үйде анасы мен екі баласы болған. Зардап шеккендер жоқ.

Төтенше жағдайлар департаментінің мәліметіне сәйкес, қаладағы 30 мыңға тарта тұрғын үй осындай ақылды газ талдайтын құрылғы орнатуды қажет етеді.