Шымкент қаласының үздік педагогі Арман Орынбеков «Қазақстанның еңбек сіңірген ұстазы» құрметті атағын иеленді, деп хабарлайды Shymkentaqparat

Марапатты ҚР Білім және ғылым министрі Асхат Аймағамбетов табыстады.

Арман Орынбеков - Шымкент қаласындағы №90 Дарынды балаларға арналған мамандандырылған мектеп-гимназиясының директоры болып қызмет атқарады. Осыған дейін Арман Шымбайұлының 80-нен астам әдістемелік-оқу құралдары жарық көрді. Ол 2019 жылғы «Үздік педагог» атағының иегері.

Арман ұстаз баптаған көптеген оқушы 1999-2012 жылдар аралығында қалалық, облыстық, республикалық пән олимпиадаларында халықаралық тарих, құқық, азаматтану пәндері бойынша және дебат сайыстарында үздіктер қатарынан табылған.