ҚР Экология, геология және табиғи ресурстар министрлігінің «Қазақстан ғарыш сапары» АҚ жүзеге асыратын ғарыш мониторингінің қорытындысы бойынша Шымкент қаласының Абай ауданында бей-берекет қоқыс үйінділерінің 20 кординаттық нүктелері анықталған, деп хабарлайды Shymkentaqparat

Мұндай қоқыс үйінділері ауданнан шалғай орналасқан елдімекен аумақтарында жиі кездеседі. Аудан әкімі аппаратының ұйымдастыруымен 15-29 шілде аралығында ретсіз қоқыс алаңдарын жою бойынша іс-шара өтті.

Оған 8 арнайы техника, 15 ауыр жүк көлігі мен 40-қа жуық жұмыс күші жұмылдырылған. Жұмысшы топ 350 тонна қоқысты арнайы полигонға шығарды.

«Қала тазалығы - баршаға ортақ. Алайда кейбір қала тұрғындары құрылыс және қатты тұрмыстық қалдықтарды белігенбеген орындарға тастап, қоршаған ортаның тазалығына немқұрайдылық танытуда», -дейді Абай ауданы әкімдігінің өкілдері.

Сонымен бірге аудан әкімдігі, белгіленбеген орындарға қоқыс тастау Қазақстан Республикасының Әкімшілк құқық бұзушылық туралы кодексінде көзделген жауапкершіліктерге тартылатынын ескертеді.