Ханчжоуда (Қытай) өтіп жатқан Жазғы Азия ойындарында ұлттық құрама сапында Шымкент қаласының спортшылары алтын жүлдеге ие болды. Стенд атудан скит бағдарламасы бойынша сынға түскен әйелдер құрамасы (Зоя Кравченко, Ольга Панарина) финалда Азия ойындарының рекордын жаңартып, чемпион атанды.
Бұған дейін нысана көздеуден Никита Чирюкин үшінші орыннан көрінген болатын. Кеше бокстан әлем чемпионы Махмұд Сабырхан алғашқы бәсекесін өткізіп, жеңіске жетті.
Сондай-ақ, еліміздің дзюдошылары Әбиба Әбужақынова күміс, Эсмигүл Куюлова, Мағжан Шамшадин, Нұрлыхан Шархан қола жүлде жеңіп алды. 23 қыркүйекте басталған Азия ойындарына құрлықтың 13 мыңнан астам спортшысы қатысуда.
