Қазақстанда Денсаулық сақтау министрлігі әлемде «Дельта» штамы таралуына байланысты КВИ жұқтырған науқастардың зертханалық үлгілерін ПТР скирнгінен өткізді, деп хабарлайды Shymkentaqparat тілшісі COVID-19 таралуына жол бермеу жөніндегі ВАК-қа сілтеме жасап

Өткен тәулікте, яғни 1 шілдеде үнді штамын анықтау үшін 414 сынаманың ПТР скринингі өткізіліп, оның 48,3 пайызында үнді штамы анықталды. «Дельта» штамы еліміздің барлық өңір мен Нұр-Сұлтан, Алматы, Шымкент қалаларында табылды.

Мутацияның болуын және оның «Дельта» штамына жататынын түпкілікті растау үлгілердің ДНҚ толық геномдық реттілігі аяқталғаннан кейін анықталады.

Үнді штамының белгілері - инкубациялық кезеңнің 5 күнге дейін қысқаруы, ішек белгілері басым, аурудың тез дамуы, жастар арасында тез таралуы және балалар мен жүкті әйелдер арасында ауыр өтуі.

- Осыған байланысты Денсаулық сақтау министрлігі қазақстандықтардан өз денсаулығына және жақындары мен туыстарының денсаулығына қамқорлық жасауды сұрайды. Инфекциядан қорғаудың жалғыз жолы - COVID-19 вакцинациясы. Сонымен қатар, вирустың таралу қаупін азайту үшін барлық алдын-алу шарасын сақтау қажет: маска тағу, әлеуметтік қашықтықты сақтау, қол гигиенасы, үй-жайларды желдету және тағы басқасы - делінген хабарламада.

ДДҰ дерегінше 2021 жылдың 1 шілде күнгі жағдай бойынша 96 елде «Дельта» SARS-CoV-2 штамы анықталған.