Бүгін, 17 мамыр мемлекет басшысы Қасым-Жомарт Кемелұлының туған күні, деп хабарлайды Shymkentaqparat

Ел Президенті биыл 68 жасқа толды. Бұған дейін мемлекет басшысының баспасөз хатшысы Берік Уәли Президенттің туған күнін атап өткісі келмейтіндігін айтқан болатын.

Қасым-Жомарт Тоқаев 1953 жылы мамырда Алматыда дүниеге келген. Ол қаладағы №25 мектеп-гимназиясын тәмәмдаған. 1970 жылы КСРО Сыртқы істер министрлігі Мәскеу мемлекеттік халықаралық қатынастар институтына оқуға түскен. 5-курста КСРО-ның ҚХР-дағы Елшілігіне диплом алдындағы жартыжылдық тағылымдамаға жіберілді.

Әкесі Тоқаев Кемел Тоқайұлы (1923-1986), Ұлы Отан соғысының ардагері, белгілі қазақ жазушысы болған. Анасы Тұрар Шабарбаева (1931-2000), Алматы шет тілдер педагогикалық институтында жұмыс істеген.

Президент «Әкем туралы» естелік кітабында есімінің алғашқы бөлігі Қасым ағасына байланыстырып қойылғанын жазған. Араб тілінен аударғанда Қасым «көркем» деген мағына береді. Ал Жомарт деп анасы ұлын қолы ашық, жүрегі кең болсын деген ниетпен қойған деседі.

Фото: ашық дереккөз