Бүгін 12 қаңтар – Дінмұхамед Ахметұлы Қонаевтың туған күні.

Халықтың ыстық ықыласына бөленген кемеңгер тұлғаның бір топ қанатты сөздерін көзі қарақты оқырмандарымызға ұсынамыз:

Бүгінгі күн – кешегі күннің шәкірті.

***
Жалада шындық болмайды.

***
Сатыға аяқ салмай жатып, баспалдақтан аттама.

***
Қанмен сіңгенді қасиеттемесең, қадірің болмайды.

***
Өмірдің екі тірегі: үйренуден жалықпау, үйретуден аянбау.

***
Ақиқаттан аттап кету – арға сын.

***
Орынды сын ойлантпай қоймайды.

***
Адамға жазаның ең үлкені – жұмыссыз қалдыру.

***
Адам айнасы – адам.

***
Тәуелсіздіктің жүгі ауыр.

***
Қараң қалған билік қайтып оңалмайды.

***
Бітімі қисық ағаштың көлеңкесі де өзіндей болады.

***
Адамдық қалыпты биік ұстау – кімге де болса үлкен сын. Адамгершілік деген асыл қасиетті аласартып алмасақ екен. Өмір өзегі осы, азаматтық жолы да осы.