Шымкенттегі «SHANYRAQ» көпбалалы аналарға арналған SMM курсы ашылды, деп хабарлайды Shymkentaqparat

Орталық көпбалалы аналар мен өмірлік қиын жағдайға түскен азаматтардың үйде отырып, табыс табу үшін түрлі сала бойынша тегін курстар ұйымдастырып, бағыт беріп келеді.

Бұл жолы орталықтың көмегіне жүгінушілерге «Шаңырақ» жастар мен жас отбасыларды қолдау қоғамдық бірлестігінің жетекшісі Сабира Байзаховадан «Инфобизнес саласы және SMM жүргізу» курсын оқытпақ.

Әйелдерді әлеуметтік желі арқылы кәсіп бастауға, оны дамытуға арналған оқу курсы бір ай бойы, аптасына екі рет өтеді. Алғашқы сабақ осы 2 шілде, яғни бүгін басталды.

Айта кетсек, SMM саласын меңгерген адам әлеуметтік желілер арқылы үйде отырып, табыс таба алады. Курсқа жазылуға ниеттенген көпбалалы аналар толық мәлімет алу үшін 8775 045 39 17 байланыс нөміріне хабарласуға болады. Мекен-жайы: Бәйдібек би даңғылы, 32 а.