Қазақстандық «Ұлытау» тобы DjookyMusicAwards бүкіләлемдік байқауында бас жүлдеге ие болды, деп хабарлайды Shymkentaqparat

Мұндай ақжолтай хабарды музыкалық ұжымның продюсері Қыдырәлі Болманов өзінің Instagram-дағы парақшасында бөлісті.

«Біз #DjookyMusicAwards Бүкіләлемдік байқауының Гран-Приін жеңіп алдық. Бұл ең алдымен бізге онлайн дауыс берген отандастарымыздың арқасы. Алғыс айту күні мерекесі қарсаңында бізге қолдау білдірген барша қазақстандықтарға рақметімізді айтамыз», - делінген продюсер парақшасында.

Айта кетейік, аспаптық қазақ этно-рок стилінде қалыптасқан «Ұлытау»тобы 2000 жылдардың басында құрылған. Осы күнге дейін түрлі халықаралық байқаулар мен фестивальдердің жеңімпазы атанған.