Аталған жоба жұмысқа алғаш рет орналасатын, еңбек тәжірибесі жоқ жастарды қолдау мақсатында іске асырылып жатыр, деп хабарлайды Shymkentaqparat
Жұмыспен қамту орталығы жұмыс берушілермен келісім-шарт жасап, оқу орнын енді тәмамдаған жастарды 24 ай жұмыспен қамтиды.
Нәтижесінде жұмыссыздық деңгейі төмендеп, жастар екі жылдық тәжірибе мен біліктілігін арттырады.
Жобаға 29 жасқа дейінгі жұмыссыз жүрген азаматтар, жұмыс өтілімі жоқ жастар қатыса алады. Еңбекақысы 20 айлық есептік көрсеткіш көлемін құрап отыр.
Үміткерлер жұмыспен қамту орталығының тіркелген мекенжай бойынша аудан бөлімшесіне жеке куәлігі мен білімі туралы құжаттық көшірмесін тапсырып, өтінім бере алады.
Алғашқы жұмыс орнына орналасуға көп балалы немесе аз қамтылған отбасылар, еңбекке қабілетті мүгедектер мен техникалық және кәсіптік мамандық иелеріне басымдық беріледі.
Айта кетейік, бұл жоба «Нәтижелі жұмыспен қамтуды және жаппай кәсіпкерлікті дамытудың» 2017-2021 жылдарға арналған «Еңбек» мемлекеттік бағдарламасының ІІІ-бағыты аясында жүзеге асырылып отыр.
