Мемлекеттік сатып алу туралы заң жобасы мақұлданды, деп хабарлайды Shymkentaqparat

Бұл туралы Қаржы министрі Ерұлан Жамаубаев мәлімдеді

Оның айтуынша, Парламент Мәжілісінің бірінші оқылымында мемлекеттік сатып алу туралы заң жобасы мақұлданды.

- Заң жобасы аясында бір жерден сатып алудың жолына тосқауыл қойылып, тауарларға бәсекелестік жағдайда бір күнде қол жеткізуге мүмкіндік беретін Электрондық дүкен ашу көзделген. Сонымен қатар байқау процедураларын 5 жұмыс күніне дейін қысқарту мүмкіндігі де қарастырылған, - деді ол.

- Сонымен қатар «Квазимемлекеттік сектордың бөлек субъектілерінің сатып алуы туралы», соның ішінде «Самұрық-Қазына» қорының сатып алуына қатысты заң жобасы да назарға ұсынылады.

Осының бәрі орталықтандырылған сатып алуды қамтамасыз етеді. Заң жобасы бойынша жұмыс депутаттармен бірге қаралатын болады.

Жобаның негізгі бағыты – аталмыш сектордың сатып алуын жеңілдету, бақылау мен шараларды қайта қарау тәртібін енгізу, кәсіпкерлерге ашық әрі адал бәсекелестік орта қалыптасыру, сатып алу келісшарттарының орындалуын қадағалау, - деді Ерұлан Кенжебекұлы.