Шымкентте орналасқан Металлург стадионында құрылыс жұмыстары қызу жүргізілуде, деп хабалайды Shymkentaqparat

Қайта қалпына келтіру жұмыстары «Жұмыспен қамтудың жол картасы» бағдарламасы аясында өткен жылдың наурыз айында қолға алынған.

Мердігер мекеме - «Югстройсервис-Н» ЖШС-ы. Қазіргі таңда құрылыс-монтаждау жұмыстары бойынша спортшылар үйінде қабат аралық жабын – 50%, 1504 орынға арналған трибуна металлды құрылым монтаждау – 80%, шағал тас төсеу – 90%, спортзал жер жұмыстары – 40 пайызға орындалды.

Нысанның құрылысына 60 жұмысшы, 5 техника жұмылдырылған. Құрылысын жыл соңына дейін тапсыру көзделуде.

Айта кетейік, спорт кешені өткен ғасырдың 70-ші жылдары салынған және 2017 жылы әкімдік балансына өткен.