Шымкентте жауған жауынның салдарынан бірнеше елді мекен көшелеріне су басу жағдайы орын алған, деп хабарлайды Shymkentaqparat

Атап айтқанда 112 орамда орналасқан Шынар, Юнатов, Аққараған көшелері мен Самал-3 шағын ауданындағы Ізгілік, Шұғыла шағын ауданындағы Ерулік және Қазына көшелеріне арнайы су тартатын техникалар жұмылдырылып, көшелер судан тазартылды.

Бұл жұмыс Абай ауданы әкімдігі таратынан ұйымдастырылып отыр.

Аудан әкімдігінің салаға жауапты қызметкерлері «Ikomek» -109 ситуациялық орталығы арқылы аудан тұрғындарынан келіп түскен қоңырауларға жауап беріп, тұрғындарға кері байланыс орнатуда.

Қазіргі таңда бұл бағыттағы жұмыстар аудан әкімдігінің тікелей бақылауына алынып, арнайы кезекшілік ұйымдастырылған.