25-қаңтарда Шымкент жастарына жалға берілетін тұрғын үйлерге құжат қабылдау басталады, деп хабарлайды shymkentaqparat

Өтінімдер:

- Жұмыс істейтін және 29 жасқа толмаған;

- Шымкент қаласында соңғы 2 жылда тұрақты тіркеуде тұрған;

- ҚР аумағында тұрғын үйге соңғы 2 жылда меншік құқығы тіркелмеген;

- Ай сайынғы табысы 40 АЕК (116 680 теңге) кем емес жастардан қабылданады.

Тұрғын үйлер сатып алу құқығынсыз 5 жылға жалға беріледі. Биыл 300 жасқа жалдамалы пәтер беру жоспарланған. Оның ішінде 195-і 1 бөлмелі болса, 105-і 2 бөлмелі пәтер.

Өтімдер 25 қаңтар, сағат 00:00-де басталып,

27 қаңтар, сағат 00:00-де аяқталады.

Құжаттарды қабылдау shymkent-baspana.kz порталы арқылы электронды түрде жүзеге асырылады.

Қажетті құжаттар:

1) өтініш;

2) жеке куәлік;

3) білімі туралы құжат;

4) неке қию туралы куәлік (бар болса);

5) балалардың туу туралы куәлігі (бар болса);

6) өтініш берушіге және отбасының барлық мүшелеріне ҚР аумағында жылжымайтын мүліктің жоқ (бар) екендігі туралы анықтама;

7) жұмыс орнынан анықтама;

8) өтініш берушінің ай сайынғы табысын кемінде 40 (қырық) айлық есептік көрсеткіш мөлшерінде растайтын соңғы 6 ай ішіндегі табысы туралы анықтама;

9) Соңғы 6 айдағы еңбек кітапшасы мен зейнетақы қорының анықтамасы;

10) банктік шоттың болуы және нөмірі туралы анықтама және банктік шот бойынша ақшаның қалдығы және қозғалысы туралы үзінді;

11) өтініш берушінің түрлі қызмет салаларындағы жеке жетістіктерін растайтын құжаттар (бар болса).

Айта кетейік, жастарға үлестірілетін 300 үй 15 наурызға дейін «Жаңа Тұрлан», «Тұран» және «Асар 2» шағын аудандарынан беріледі.