«IKOMEK» біріңғай байланыс орталығы ашылған уақыттан бастап аудандық әкімдіктер бойынша тіркелген өтініштердің орындалуына байланысты аудандық әкімдіктердің рейтингі шығарылды, деп хабарлайды Shymkentaqparat

Шымкент ситуациялық орталығында тұрғындардан келіп түскен арыз-шағымдарды жүйелі түрде жүзеге асыру мақсатында тұрғындардың ұсынысы мен өтініштеріне сапалы әрі уақытылы жауап беруі бойынша күнделікті мониторинг жасалады.

Қазіргі таңда, «IKOMEK» біріңғай орталығына тұрғындардан келіп түсетін негізгі шағымдар - қоғамдық көлік, тұрғын үй, коммуналдық қызметтер, әлеуметтік төлемдер мен жол құрылысы.

Айта кетейік, ситуациялық орталыққа тәулігіне 1000-ға жуық өтініш келіп түседі. Оның 60 пайызы қанағаттандырылса, қалған 40% 7-14 күн аралығында қаралады.

Орталыққа хабарласудың бірнеше жолдары бар:

1. Бірыңғай ТЕГІН 109 нөміріне хабарласу;

2. +7 77 77 109 109 WhatsApp нөміріне хабарлама жіберу;

3. Instagram желісінің @ikomek109.shymkent парақшасында жекеге жазу;

4. Facebook желісінің IKomek Shymkent парақшасында жекеге жазу.