Шымкент қаласында халықтың улы газ бен өртке қарсы мәдениетті тұрақтандыру мақсатында «Өрт қауіпсіздігі айлығы» өтуде.

Кезекті профилактикалық іс-шараға Шымкент қаласы ТЖ департаментінің басшысы, полковник Мадияр Жақсыбаев қатысып, тұрғындарға үгіт-насихат жұмысын жүргізді. Мобильді топ Абай ауданы Тельман бөлімшесіндегі жеке тұрғын секторларын аралады.

Департамент басшысы тұрғындарға жылыту құралдары мен жабдықтарды алдын ала дайындау керектігін еске салды. Әсіресе газ құрылғыларына назар аударып, дұрыс орнатылмаса, қайғылы жағдайға әкелетінін жеткізді.

Мобильді топтың құрамында болған газ шаруашылығының мамандары арнайы аспаптармен тұрғын үйдегі газ жабдықтарында газдың шығуын тексерді.

Осы рейд барысында мамандар әлеуметтік тұрғыдан аз қамтылған 3 отбасыға газдабылқаққыш орнатты. Айта кетсек, жыл басынан бері Абай ауданында мұндай құрылғы 22 отбасыға көмек ретінде орнатылған.