Үшінші мегаполисте жаңа жылдық шыршаның шамы жағылды. Басты шыршаның жарығын жағу мерекесіне қала тұрғындары, балақайлар мен өнерпаздар жиналды.
Алаңда Шымкент қалалық мәдениет және тілдерді дамыту басқармасына қарасты мәдениет ұйымдарының мамандары көпшілікке мерекелік қойылымдарын ұсынды.
Биылғы мерекелік қойылым "Жұлдызды арманыңды жақ" тақырыбымен өтті. Ертегі кейіпкерлері мен Абыз ата балғындарға өз бойындағы таланты мен қасиетін дамытуға тілектестік білдірді.
Мерекелік кеште театрландырылған қойылым ұсынылып, соңы концертке ұласты.
Айта кетейік, Шымкенттің басты шыршасы әкімшілік-іскерлік орталықта, қалалық әкімдіктің алдындағы алаңда орналасқан.
