Өткен тәулікте Шымкентте коронавирус инфекциясы бойынша 12 жағдай тіркелген. Қазіргі уақытта коронавирустан 38 адам ем қабылдап жатыр, деп хабарлайды Shymkentaqparat

Шымкент қаласы Денсаулық сақтау басқармасының мәліметінше, 2021 жылдан бері коронавирус жұқтырғандар саны 599 адамға жетті. Оның 561-і дертінен айыққан.

Үстіміздегі жылдың 1 қаңтарынан бері 157 адамнан коронавирус пневмониясы анықталған болса, оның 139-ы жазылған.

Айта кетейік, қазіргі таңда Шымкент қаласы «жасыл» аймақта тұр. Бұл ретте медицина мамандары карантин режиміне сәйкес санитариялық-эпедемиологиялық талаптарды қатаң түрде сақтау қажеттігін ескертеді.