Шымкент қаласында Д.Қонаев пен Т.Рысқұлов көшелерінің қиылысындағы жолайрық құрылысына сәйкес, қала аумағында 10 маусым сағат 9:00-ден 11 маусым сағат 15:00-ге дейін газ болмайды, деп хабарлайды Shymkentaqparat

Бұл туралы қалалық жолаушылар көлігі және автомобиль жолдары басқармасының басшысы Ержан Жолдасов айтты.

Қазіргі таңда Т.Рысқұлов пен Д.Қонаев көшелерінің қиылысындағы жолайрық құрылысы жобаға сәйкес, қысымы жоғары диаметрі Ø 315 мм газ құбырының орнын ауыстыру жұмыстары қарастырылған болатын. Соған орай орны ауыстырылған газ құбырын қолданыстағы газ құбырына қосу қажеттілігі туындаған.

Басқарма басшысының айтуынша, газ құбырынан Шымкент қаласының Төменгі Отырар шағынауданында 600 пәтер, Рысқұлов – Қонаев – Дулати – Байтұрсынов – Жандосов көшелері орамында және Рысқұлов көшесінің солтүстік беткейінде орналасқан ғимараттар, тұрғын үйлер, сондай-ақ әлеуметтік нысандар газ желісімен қамтамасыз етілген. Осыған байланысты аталған көшелерде, шағынаудандарда газ желісі толығыменуақытша сөнеді.