Қала ішінде жүріп-тұру қиындықтарына қарамастан, шымкенттік кәсіпкерлер шетте қалмай, бірінші болып көмек қолын созды. Қала үшін ауыр күндерде қамқорлық танытқан кәсіпкерлер әлеуметтік мекеме қызметкерлеріне, әскерилер мен полиция өкілдеріне ыстық тамақ ұйымдастырды. Кәсіпкерлер күш құрылымдарына тегін көмек көрсетті.

Мәселен, 6 қаңтарда әкімдік ғимаратын күзету кезінде «Талан Трейд» серіктестігі сарбаздарға ет консервілері (шамамен 2500 дана), «Грамад» ЖШС ауыз су (500 литр) және 500 сарбазға арналған наубайхана мен шұжық өнімдерін бөлді. «Ладушки» дүкендер желісі 500 сарбазды азық-түлікпен, тәттілермен, пирогтармен қамтамасыз етті, «Экофарм Интернэшнл» ЖШС 1000 сарбазды плащ пен аяқ киіммен қамтамасыз етті. Nefis Coffee 5000 пакет кофе берді. 7 қаңтарда «Кәусар» мейрамханалар желісі прокуратура ғимаратын күзету барысында 20 сарбазды түскі ыстық тамақпен қамтамасыз етті.