Қазақстанда 2021 жылдың басынан бері төрт мыңға жуық этникалық қазақ елге оралып,қандас мәртебесін алды, деп хабарлайды Shymkentaqparat

Бұл туралы Еңбек және халықты әлеуметтік қорғау министрлігі мәлімдеді.

"2021 жылғы 1 сәуірдегі жағдай бойынша 3 966 адам тарихи отанымен табысып, қандас мәртебесін алды. Осы жылдың басынан бастап Қазақстанға келген қандастардың жартысынан астамы (75,6%) Өзбекстаннан, 11,9%-і – Қытайдан, 5,8%-і – Түркіменстаннан, 3,0%-і – Моңғолиядан және 3,6%-і – басқа елдерден", - делінген ведомствоның ресми сайтында.

Министрліктің ақпаратынша, елге оралған этникалық қазақтар, негізінен, Алматы, Түркістан және Маңғыстау облыстарына, сондай-ақ, Шымкент пен Нұр-Сұлтан қалаларына қоныстанды.

Айта кетейік,1 сәуірдегі жағдай бойынша атажұртқа оралған этникалық қазақтардың 59,9%-і – еңбекке қабілетті жаста, 24,1%-і – еңбекке қабілетті жастан кіші және 16%-і – зейнеткерлер.

Жалпы 1991 жылдан бері республикаға шамамен 1 миллион 74,3 мың қандас оралды.