2021 жылдың 9 ақпан күні Шымкент қалалық жасөспірімдер кітапханасында Мұқағали Мақатевтың 90 жылдығына орай «Жырлайды жүрек, жаныңды тербеп» атты Мұқағали оқулары өтеді, деп хабарлайды Shymkentaqparat

Шараның мақсаты - қазақтың мәртебесі биік лирик ақыны Мұқағали Мақатаевтың шығармаларын насихаттау, жастардың поэзияға деген құштарлығын арттыру.

Мәдени шарада «Тәуелсіздігіміздің 30 жылдығына – 30 кітап» рухани-мәдени акциясы аясында таңдалған ақиық ақын М.Мақатевтың «Өмірдастан» жинағындағы өлеңдері мәнерлеп оқылса, әрмен қарай ақын жайында викториналық сұрақтармен өрбиді. Кеш соңы сазды бағдарламаға ұласады.

Кеш қонақтары - филолог, қазақ әдебиеті ғылым магистрі Жадыра Оразалиева мен жас ақын Арайлым Мұраталиева.

Айта кетейік, аталмыш іс-шара «Тәуелсіздіктің 30 жылдығына – 30 кітап» рухани-мәдени бойынша таңдалған кітаптарды кеңінен насихаттау барысында және «Бір ел - бір кітап - 2021» республикалық акциясы аясында ұйымдастырылмақ.

Мекен-жайы: Шымкент қаласы, Т. Орынбаев көш., 21 А (бұрынғы Гоголь көш.)

Хабарласу үшін қосымша телефон: 53-47-11, 53-97-33, 87471730287.