МЕМЛЕКЕТТІК ТҰРҒЫН ҮЙДІ ЖЕКЕШЕЛЕНДІРУ МҮМКІНДІГІ ЗАҢДАСТЫРЫЛДЫ
2024 жылғы қарашада Мемлекет басшысы «ҚР кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы» ҚР Заңына қол қойған болатын. Заң былтыр 4 желтоқсанда қолданысқа енді. Бұрын берілген жалға берілетін тұрғын үйді сатып алу құқығынсыз жекешелендіру мүмкіндігі қарастырылған.
Жекешелендіру тәртібі жалпы алғанда өзгеріссіз қалады. Атап айтқанда, Тұрғын үй қалдық құны бойынша (баланстық құнның 2%-ы мөлшерінде, физикалық тозуды шегергенде) жекешелендіріледі.
Егер тұрғын үй құны 15 млн. теңгеге дейін болса, сатып алушы 10 жылға дейін бөліп төлеу мүмкіндігіне ие болады. Құны 15 млн. теңгеден асса, төлем мерзімі 15 жылға дейін ұзартылып, тұрғын үй құнының 10%-ын бастапқы жарна ретінде төлеу арқылы сатып алу құқығы беріледі.
Мемлекеттік тұрғын үй қорынан өздері тұратын тұрғын үйді өтеусіз алуға келесі санаттардың құқығы бар:
Бұдан бөлек, әлеуметтік осал топтар мен бюджеттік ұйымдардың 10 жылдан астам жұмыс істеген қызметкерлері де өз пәтерін сатып ала алады. Пәтерді жекешелендіру үшін Kezekte.kz электрондық жүйесіне өтінім беру қажет. Тұрғын үй қорынан тек бір ғана тұрғын үйді жекешелендіруге құқылы (купондық тетік арқылы жекешелендіруді қоспағанда).
Бұрын жекешелендірілген тұрғын үйде негізгі жалға алушының отбасы мүшесінің үлесі 50%-дан аз болған жағдайда, бұл оның мемлекеттік тұрғын үй қорынан тұрғын үйді жекешелендіру құқығын жүзеге асыруына кедергі келтірмейді.