Таяуда Шымкент қаласына қоныс аударған бiлікті нейрохирург Мыңжылқы Бердіқожаев алғашқы отасын жасады, деп хабарлайды Shymkentaqparat
Жедел жәрдеммен ауруханаға түскен 57 жастағы әйел инсулть алған екен.
- Науқас субарахноидальды қан құйылумен алғашқы аневризма-геморрагиялық инсультпен түскен. Оған мидың КТ-да-субарахноидты қан кету, КТ ангиографиясы жасалғанда - сол жақ ішкі каротид артериясының аневризмасы анықталды. Сондықтан шұғыл түрде жаңа биплан ангиографында рентгенэндоваскулярлық әдіспен, яғни бас сүйегін ашпай ота жасалды. Ангиографта КТ бақылау операциясы жүргізілді, - дейді білікті нейрохирург.
Дәрігердің айтуынша, ота сәтті жасалып, қан кету көзі жойылған. Әрі қарай науқасқа емдеуді толық жүргізуге болады.
Айта кетерлігі, өткен жылы қалалық ауруханаға соңғы үлгідегі ангеограф аппараты алынған болатын. Бұрын басына қан құйылған науқасқа бас сүйегін ою арқылы ота жасалса, жаңа аппаратпен миға тамыр жолдары арқылы ота жасалатын болды.
Айта кетейік, Мыңжылқы Бердіқожаев жақында Шымкент қаласындағы №2 қалалық ауруханасының бас дәрігері қызметіне тағайындалған болатын. Мыңжылқы Сайлауұлы еліміздегі нейрохирругия саласын дамытып, әлемді мойындатқан білікті дәрігер. Алтын қолды хирург бүгінге дейін 5000-нан аса бас миының тамырларына жоғары технологиялық отасын жасаған.
