Бүгін коронавирусқа қарсы «Спутник V» вакцинасын Шымкентте алғаш болып қала әкімі Мұрат Әйтенов салдырды, деп хабарлайды Shymkentaqparat

Шаһар басшысы №3 емханаға барып, екпе алдында дәрігерге тексерілді. Қарсы көрсеткіштер анықталмағандықтан, ерікті түрде вакцина салдырды. Қазіргі таңда жағдайы жақсы.

Қалада екпе егу жұмыстарын жүргізу үшін емханалардың базасында 4 вакцинация кабинеті ұйымдастырылып, вакциналарды сақтауға арналған мұздатқыштар орнатылған.

Айта кетейік, вакцинациялауға профилактикалық егуге қарсы көрсеткіштері жоқ адамдар жіберіледі.