Шымкентте жұмыспен қамту орталығы эпидахуалға байланысты «Бастау бизнес» оқу курстарына жолдама беруді онлайн форматта жүзеге асырады, - хабарлайды Shymkentaqparat

Қайтарымсыз грант алушылар жұмыспен қамту орталығында жұмыссыз ретінде тіркелу керек.

Жобаға қатысушы үміткерлердің мәртебесі расталғаннан кейін 1900 азаматқа жолдама беріледі. Азаматтар өтінім беру мерзіміне қарай бекітілген оқу кестесіне сәйкес оқуға жолданады.

Үмікерлердің құжаттары (жеке басын куәландыратын құжаты, өтініші) Telegram желісіндегі @BastaubusinessBot мекенжайына 19 сәуір күні 09.00-ден 1900 азаматтан өтінім түскенге дейін қабылданады.

Оқу курсына еңбекке қабілетті мүмкіндігі шектеулі жандар, зейнет жасына жетпегендер, NEET санатындағы жастар, көпбалалы отбасылар, ауылшаруашылық коперативтері және оралмандар жолданады.

Оқу мерзімі 21 күннен аспайды. Бағдарлама аясында оқуды бітірген қатысушыларға сертификат беріледі.

Сонымен қатар, үміткер өз бетінше жеке басын куәландыратын құжаттың көшірмесін және Халықты жұмыспен қамту орталығынан алған жолдамасын https://atameken.co/ru/course-bastau сілтемесіне жүктеу арқылы онлайн-өтінімді тапсыра алады.