Алексей Цой коронавирусқа байланысты жаңа болжамын жасады, деп хабарлайды Shymkentaqparat

Бүгінде Қазақстанда Covid-19-дың оң нәтижесімен 292 250, теріс нәтижесімен 51 890 науқас тіркелді. Эпидемиологиялық ахуалды бағалау матрицасына сәйкес, республика соңғы 22 күн бойы «қызыл» аймақта тұр. Сонымен қатар 8 өңір «қызыл» аймақта. Түркістан мен Қостанай облыстары «жасыл» аймақта, ал қалған өңірлер «сары аймақта тұр.

Цойдың сөзінде осы жылдың наурыз айының соңында эпидемиологиялық ахуал нашарлап, науқастану көрсеткіші 46%-ға дейін артты.

- Денсаулық сақтау министрлігі халықты вакцинамен қамтуды ескере отырып, КВИ-дің таралуының болжамын жаңартып отыр. Оптимистік сценарий бойынша қарайтын болсақ, егер вакцинация кесте бойынша жалғаса берсе, онда тәулігіне 3 мыңға дейін жағдай тіркеледі. Сосын сәуір айының соңында ең жоғары деңгейге жетеді деп күтіліп отыр. Ал жағдайға нақты қарасақ, вакцинациямен қамту осы қарқында болса, онда тәулігіне дейін 4 мыңға дейін адам жұқтыруы мүмкін. Короновирустың шарықтау шегі мамыр айының ортасына барады деп ойлаймыз, - деді Алексей Цой үкімет отырысында.

Денсаулық сақтау министрінің айтуынша бірінші кезеңде вакцинациядан болатын әсер иммунитетті қалыптастыруға қажетті уақытпен шектеледі. Кейіннен вакцинацияның әсері күшейіп, елдегі эпидемиологиялық жағдайдың тұрақтануына әсер етеді.