Шымкент қалалық №2 аурухана қалыпты тәртіпте жұмыс істеуге көшті. Бұл туралы медицина орталығын қала әкімінің бірінші орынбасары Шыңғыс Мұқанның аралауы барысында айтылды.

Аурухана карантин шаралары күшейген жаз уақытында қатаң тәртіпте жұмыс істеп, 10 шілде мен 17 қыркүйек аралығында коронавирус инфекциясын жұқтырғандардың емдеу орталығына айналды. Соңғы үлгідегі құрылғылармен жабдықталған орталықта жансақтау бөлімі, КТ жасау кабинеттері қарастырылған.

– Бүгінгі таңда Шымкент қаласындағы эпидемиологиялық ахуал тұрақталып келе жатыр. Дегенмен, әрдайым дайындықты пысықтап отыру қажет. Жазда болған жағдайдан сабақ алып, денсаулығымызды күтуге, ауырып ем іздегенше, ауырмаудың жолын іздеу дұрыс екенін көрсетті, – деді Шыңғыс Жұмабекұлы.

Қазір аурухана жоспарлы түрде науқастарды қабылдауда. Мұнда жеткізілген пациенттер ковидке анализ тапсырып, нәтижесі дайын болғанша арнайы аймақта болады.