Бүгін «Shymkent plaza» ойын-сауық орталығының қызметкерлері ерікті түрде COVID-19-ға қарсы вакцина салдыруда, деп хабарлайды Shymkentaqparat

Екпе егу жұмыстарын Темір жол ауруханасының қызметкерлері жүргізуде.

Бұған дейін аталған аурухананың жылжымалы бригадасы «Оңтүстік» индустриалды аймағына, «Azala» ЖШС-на, «Shymkent bus» әкімшілігі қызметкерлеріне, жүргізушілері мен кондукторларына, медицина колледжінің студенттеріне вакцина салды. Енді медициналық топ «Қырғы» базарға баруды жоспарлап отыр.

Айта кетейік, Шымкент қаласында 38 вакциналық пункт бар. Тұрғындар өзіне ыңғайлы болған кез келген емханада вакцина салдыра алады.

Ескеретін жайт, тұрғындар І-ші компонентті қай жерден салдырса, ІІ-ші компонентті де сол орыннан алуы тиіс.