Қазіргі таңда Шымкент қаласында І-ші компонент 16 643 адамға, ал ІІ-ші компонент бойынша 6 071 адамға екпе салынды, деп хабарлайды Shymkentaqparat

Әзірге қазақстандықтарға ресейлік "Спутник-V" вакцинасы салынып жатыр. Отандық вакцина сәуірдің соңында дайын болады.

Вакцина салдырғандардың ішінде түрлі сала қызметкерлері бар.Екпені ерікті түрде салдырғандардың бірі Әлия Юсупова.

–9 сәуір күні екпенің І-этапын салдырттым, ІІ-ші кезеңін 30 сәуірде деп жоспарлануда.Мойындау керек екпе салдырмас бұрынқорқыныш болды. Бірақ бапкер ретінде екпенің маңызы бар екенін түсіндім. Себебі спортық жарыстардакөп жерге барасың. Екпе салдыру -жеке басыма ғана емес, отбасыма, әріптестеріме, достарыма және өзіме деген денсаулығымның қауіпсіздіктің алдын алу, - деді Әлия Мақсұтқызы.

Сондай-ақ, Жұмат Шанин атындағы Шымкент қалалық академиялық қазақ драма театрының драматургы Сая Қасымбек коронавирусқа қарсы екпе салдырғандығын айтты.

–Мемлекеттің басшысы өкім шығарғаннан кейін осы елдің азаматы ретінде бағыну, орындау азаматтық парызымыз. Президент халықтың денсаулығын ойлап отыр ғой деген мақсатпен бүгінгі күні біздің Жұмат Шанин театры кестеге сәйкес қалалық 3-поликлиникаға салдыртты. Өзім ең бірінші кіріп вакцина салдырттым. Әзірге жағдайым қалыпты. Сақтансақ, сақтайды дейді ғой бар пәленің алдын алу үшін екпе салдырған дұрыс шығар. Өйткені сан ғасырлар бойы дәлелденіп келе жатыр. Ендігі ІІ-ші этап мамыр айының басында деп жоспарлануда. Сондықтан көңіл күйім әзірге жаман емес, - деді Сая Қасымбек.

Айта кетейік бүгінгі күні коронавирусқа қарсы екпе егілген азаматтардың денсаулығы жақсы. Асқынулар мен басқа да жағдайлар тіркелмеген.