Шымкент қаласында өткен тәулікте КВИ-дің 75 жағдайы тіркелді, деп хабарлайды Shymkentaqparat

30 адам инфекциялық стационарға жатқызылып, 45 адам үй бақылауына алынды.

Мамандандырылған инфекциялық стационарларда 1 406 орын бар (қалалық инфекциялық орталық - 490, «Атамекен» клиникасы - 450, Орынбай ГБОО - 70 орын, №14 емдеу орталығы – 250, қалалық перинаталдық орталық – 30, оңалту орталығы - 100, қалалық клиникалық балалар ауруханасы - 10, Шымкент жүрек орталығы - 6), төсек орын толымдығы 50%-ды құрайды, 698 төсек орын бос. Инфекциялық стационарда 708 науқас емделуде (КВИ-351, пневмония-354, ЖРВИ-3), жансақтау бөлімінде - 33 (11 - ИВЛ, 22 - НИВЛ).

Осыған дейін 392 190 адамнан ПТР сынамасы алынған болса, бір тәулік ішінде – 1311.

Вакциналандыру жұмыстарына тоқталар болсақ, 10 мамыр күні қалада 4184 адам вакцина алды (I компонент-1442, II компонент-2743). Егу науқаны басталғалы барлығы 149 314 адам вакцинацияланды. Оның ішінде 53 124 адам вакцинаның екі компонентін алды.

Ал, санитарлық-эпидемиологиялық талаптардың сақталуына мониторинг жүргізетін 14 мобильдік топ 154 нысанға тексеру жұмыстарын жүргізді. Оның ішінде 3 нысанда карантин режимінің талаптары бұзылғандығы анықталып, әкімшілік хаттамалар толтырылды.

Айта кетейік, шаһардағы барлық емханада вакцина салу бекеттері ұйымдастырылған. Онда демалыссыз түнгі 22.00-ге дейін тұрғындарды қабылдап жатыр. Коронавирусқа қарсы вакцина салдыру арқылы өзіңіздің және туыстарыңыздың өмірін сақтаңыз.