Шымкентте соңғы тәулікте 418 адам коронавирус жұқтырғаны ПТР сынамасы арқылы анықталып, ауырғаны расталды, деп хабарлайды Shymkentaqparat

Бұл жөнінде Денсаулық сақтау басқармасы хабарлады.

Қазіргі сәтте 194 науқас инфекциялық стационарға жатқызылып, 224-і үй бақылауына алынды.

Осы жылдың 21 шілде күнгі мәлімет бойынша қалада 7 453 адам вакцина алды (I компонент-2445, II компонент-5008). Егу науқаны басталғалы барлығы 347 612 адам вакцинацияланды. Оның ішінде 224 333 адам вакцинаның екі компонентін салдырған.

Сонымен бірге қаладағы кәсіпкерлік нысандарға санитарлық-эпидемилогиялық талаптардың сақталуына 40 мобильдік топ бақылау жасайды. Арнайы топ өкілдері өткен тәулікте 658 нысанға тексеру жүргізіп, 14 нысанда карантин талабының бұзылғанын анықтады.