Шымкентте биыл жол кептелісін азайту мақсатында 8 көше қиылысына оң жақ өткел салынады, деп хабарлайды Shymkentaqparat

Бұл жөнінде жолаушылар көлігі және автомабиль жолдары басқармасы хабарлады.

Биыл 600 метр болатын жасанды жол кедергілері, 2 600 дана жол белгісі, 15 дана белсенді жаяу жүргіншілер өткелі, 16 бағдаршам, 250 аялдама орнатылып, 215 шақырымға жол таңбасы сызылады. Жыл басынан бүгінгі күнге дейін олардың біршамасы жүзеге асырылған. Атап айтқанда, 850 жол белгісі, 100 метрге жасанды жол кедергісі орнатылған. Сонымен бірге 45 шақырым жолға жол таңбалары сызылған. 3 белсенді жаяу жүргіншілер өткелі қойылған.

Одан бөлек, жол кептелісін азайту мақсатында Сыпырған ата – Әл-Фараби, Сыпырған ата – Темірлан тас жолы, Рысқұлов – Адырбеков, Арғынбеков – Өтегенов, Рысқұлов – Шаяхметов, Шаяхметов – Арғынбеков, Рысқұлов-Қазиев, Арғынбеков – Бәйтереков қиылыстарына оң жақ өткелдер салынады.