Бүгін Токио Олимпиадасында каратэден 67 келіге дейінгі салмақта Қазақстан командасының үздігі Дархан Асаділов сынға түсуде деп, деп хабарлайды Shymkentaqparat тілшісі

Жарыс ережесі бойынша спортшылар А және В тобына бөлінген. Әр топтағы бес спортшы бір-бірімен өзара кездесулер өткізіп, ең көп ұпай жинаған екі каратэші жартылай финалға жолдама алады.

Дархан өз тобындағы алғашқы жекпе-жекте түркиялық Эрай Самданмен кездесіп, 6:2 есебімен жеңіске жеткен болатын.

Ал екінші жекпе-жегінде әзірбайжандық Фирдовси Фарзалиевпен кездесіп, тағы да 6:2 есебімен басым түсті. Әзірге, Дархан Асаділов өз тобында 4 ұпай жинап, көш басында келеді.

Айта кетсек, каратэден Токио Олимпиадасында бес спортшы ел намысын қорғайды.