Шымкенттік кітапханашылар «ҚР үздік кітапханасы» республикалық байқауында топ жарды, деп хабарлайды Shymkentaqparat

Бұл сайыста Шымкент қалалық орталықтандырылған балалар кітапханалар жүйесінің қызметкерлері Әсем Қабылова мен Перуза Бейбітова I-орыннан көрінді

Байқауды ұйымдастырған «Өрлеу» білім беруді және мәдениетті дамыту қоры» қоғамдық қоры. Сайыстың шарты бойынша қатысушылар «Қала» секциясы мен «Еркін номинация» тақырыбында презентациясын жолдаған.

Ұсынылған презентацияда балалар кітапханасының тыныс-тіршілігі, жұмыс жүйесі мен алдағы жоспары, кітапхананың ішкі және сыртқы көрінісі көрсетілген.

Қазылар алқасы тарапынан үшінші мегаполис кітапханашылардың еңбегі үздік деп танылды.

Қаладағы «Шымкент қаласының орталықтандырылған балалар кітапханалар жүйесі» КММ-сі 2009 жылдан бері балалардың бос уақытын тиімді ұйымдастыру бағытында жұмыс істейді. Мұнда жалпы кітап қоры – 408 565.

Электронды каталог құру және кітапхана үрдістерін автоматтандыру мақсатында 2011 жылы РАБИС кітапханалық бағдарлама орнатылған. Сонымен бірге кітапханада «Коворкинг» білім орталығы бар.

Фото: ашық дереккөз